اسلام آباد۔27دسمبر(اے پی پی) وفاقی وزیر خزانہ ومحصولات سینیٹر محمد اسحاق ڈار گلگت بلتستان سودھے سارے علاقیں دی ترقی کیتے حکومت دے عزم دا اظہار کیتے ۔ انہاں اے ڳالھ گلگت بلتستان دے وزیرخزانہ جاوید علی منوا تے انہاں دی ٹیم نال وزارت خزانہ نال ملاقات اچ آکھی ۔ ایں موقع تے معاون خصوصی خزانہ طارق باجوہ، سیکرٹری خزانہ اتے گلگت بلتستان ووزارت خزانہ دے سینئر افسران وی موجود ہن ۔گلگت بلتستان دے وزیرخزانہ وفاقی وزیر خزانہ کوں گلگت بلتستان اچ جاری عوامی فلاح و بہبود دے منصوبیں تے تھیوݨ آلی پیش رفت اتے علاقے اچ بہتراسلوب حکمرانی کوں یقینی بݨاوݨ کیتے انہاں منصوبیں کوں وختی مکمل کرݨ اچ مالی رکاوٹوں دا ݙسایا ۔وزیر خزانہ گلگت بلتستان سودھے سارے خطے دی ترقی کیتے حکومت دے عزم دا اظہار کیتے۔ انہاں ایں خطے اچ سیاحت دی استعداد کوں بروئے کار گھن آوݨ تے وی زور ݙتا تے آکھیے جو ایں توں نہ صرف گلگت بلتستان دی آمدنی اچ ودھارا تھیسی بلکہ پوری دنیا اچ ملک دا خوبصورت تشخص وی اجاگر تھیسی ۔وزیر خزانہ گلگت بلتستان دی ترقی کیتے موجودہ حکومت دی حمایت دا یقین ݙیوائے۔
