اسلام آباد۔11جولائی (اے پی پی) علامہ اقبال اوپن یونیورسٹی دے سمسٹر خزاں 2024ء دے پہلے مرحلے دے داخلے سنوار 15 جولائی توں پورے ملک اچ ہکے ویلھے شروع تھیسن۔ اوپن یونیورسٹی دے ترجمان موجب بی ایس(فیس ٹو فیس)، ایم ایس، ایم فل اتے پی ایچ ڈی پروگرامز دے داخلے صرف آن لائن موڈ دے تحت تھیسن جڈانجو میٹرک اتے ایف اے پروگرامز دے داخلہ فارم اتے پراسپکٹس اسلام آباد اچ یونیورسٹی دے مین کیمپس، ملک دے مختلف شہراں اچ قائم یونیورسٹی دے 54علاقائی دفاتر اتے سوئفٹ سینٹرز اچ 15جولائی توں دستیاب ہوسن۔ میٹرک اتے ایف اے پروگرامز اچ داخلہ آن لائن اتے مینول ݙوہیں طریقیاں نال ڳھدا ویسی۔
